VOV4.Jarai-Tlam mơmŏt lơ 5/1, ƀơi Hà Nội, pơphun Hơdră jơnum mơak hơdor glăi 72 thun hrơi gru grua čơđai sang hră djop gưl, čơđai sang hră gưl prong Việt Nam hăng Khul mut phung čơđai sang hră gưl prong Việt Nam lơ 9/1/1950-lơ 9/1/2022, pơpŭ kơ čơđai sang hră gưl prong ngă djơ̆ 5 mơta tơlơi klă hiam, khul grup čơđai sang hră gưl prong anăn khul grup čơđai sang hră gưl prong ngă klă 5 bruă hiam ƀơi dêh čar amăng thun 2021, apah bơni anăn Pơtŭ blan sa thun 2021.

Nao jơnum hrom, hơmâo yă Võ Thị Ánh Xuân, Kơ-iăng Khua mir sir, hrom hăng khua mua ping gah, kơnuk kơna dêh čar laih anun khua mua djop anom bruă gơnong dlông, ding jum dêh čar. Thun 2021, mah bơbeč djơ̆ tơnap klin kheng Covid 19 ngă, djop gưl khul čơđai sang hră mut phung gir run găn rơgao tơlơi tơnap, pơčeh phrâo ngă bruă pơtrut pran jua hrăm, ƀư̆ pơkra, hrưn đĭ kiăng hơmâo anŏ tŭ yua. Ƀrô tal anai, Khul hlăk ai čơđai sang hră gưl prong Việt Nam hơmâo jao tơlơi bơni anăn “Cơđai sang hră ngă 5 mơta bruă hiam” gưl dêh čar apah bơni brơi kơ 60 khul grup čơđai sang hră gưl prong.

Nay Jek: Pơblang