VOV4.Jarai - Mơguah lơ 28/12, ƀơi Hà Nội, Khul mơnuih djơ̆ jreo hret dioxin Việt Nam pơphun ngă lơphet hơdor glăi 60 thun hrơi hơmâo tơlơi truh jrao hret da cam ƀơi Việt Nam (10/8/1961 - 10/8/2021); čơkă Miđai Mă bruă mrô 3 hăng Jơnum hmư̆ hing yua kơ mơnuih djơ̆ jrao hret tal 4, rơwang thun 2016-2021. Kơ-iăng khua mir sir yă Võ Thị Ánh Xuân nao pơhmư̆ hăng brơi Miđai kơ Khul. Pơhiăp ƀơi mông ngă lơphet, Kơ-iăng khua mir sir yă Võ Thị Ánh Xuân kiăng Khul wai lăng mơnuih djơ̆ jrao hret dioxin pơplih phrâo hơdră ngă bruă, pơtrut tui pran jua thâo gum pơgôp, thâo hơdor - gơgrong bruă - yua kơ mơnuih djơ̆ jrao hret, pơđĭ tui anŏ klă mơng bruă mă, ngă klă hloh dong bruă lăi pơthâo, pơphô bruă hăng iâu pơthưr abih bang mơnuih djru ba hăng mă glăi tơlơi dưi, tơlơi gal kơ ƀing djơ̆ jrao hret hăng hơdră ngă bruă lăp djơ̆ hăng tơlơi đĭ kyar mơng lŏn ia ta.

Siu H’Mai: Pơblang