VOV4.Jarai - Tŭ ư tơlơi jak iâu mơng Khua Jơnum min git gai pơ ala mơnuih ƀon sang dêh čar Nga Valentina Matviyenko, Kơ-iăng khua mir sir yă Võ Thị Ánh Xuân ba jơlan khua mua mơng Việt Nam nao pơhmư̆ mông Jơnum đah kơmơi Á- Âu tal 3 lăng nao rai amăng tivi mơng lơ 13 truh 15/10. Mông jơnum đah kơmơi Á- Âu thun anai hơmâo anăn "đah kơmơi: Tơlơi gơgrong bruă yôm amăng rŏng lŏn tơnah amăng rơnuk phrâo” ngă pơhưč lu mơnuih nao pơhmư̆ mơng rơbêh 100 boh dêh čar hăng 20 anom bruă jar kmar. Pơhiăp ƀơi mông jơnum, Kơ-iăng khua mir sir yă Võ Thị Ánh Xuân bơni kơ mông Jơnum đah kơmơi Á - Âu djru ngă jê̆ giăm, pơblăi nao rai tơlơi gơgrong bruă yôm mơng bing đah kơmơi, hok mơak kơ bruă ba bơkơtuai anai yua dah ba glăi lu tơlơi gêh gal či lăi nao tơlơi klă hiam hăng tơlơi lông mơ̆ amăng rơnuk pơplih phrâo 4.0 hăng klin Covid-19 glăk bơbeč kơ rŏng lŏn tơnah lăi hrŏm hăng ƀing đah kơmơi lăi hơjăn.

Siu H’Mai: Pơblang