VOV4.Jarai - Amăng tal rai čuă dêh čar Việt Nam sit nik ƀrô 30 thun akŏ pơjing tơlơi pơtom hiăp Việt Nam - Thụy Sỹ, Kơ-iăng khua mir sir, Khua ding jum pơtom hiăp dêh čar Thụy Sỹ Ignazio Cassis hơmâo mông pơhiăp tom Kơ-iăng khua mir sir yă Võ Thị Ánh Xuân. Ƀơi mông bưp, Kơ-iăng khua mir sir yă Võ Thị Ánh Xuân hok mơ-ak kơ tơlơi pơplih hiam klă mơng tơlơi rô nao rai klă hiam, kiăng dua bơnah ngă hrŏm dlăm hloh dong, tŭ yua, djơ̆ hăng tơlơi kiăng mơng dua bơnah, laih dong gum pơgôp kơ tơlơi rơngai, hơđong kơjăp hăng ngă hrŏm amăng kual, ƀơi rŏng lŏn tơnah.

Kơ-iăng khua mir sir yă Võ Thị Ánh Xuân tŭ jum Kơ-iăng khua mir sir dêh čar Thụy Sỹ.

Kơ-iăng khua mir sir Ignazio Cassis bơni biă tơlơi gir run lăi anun djru ba tơlơi tơnap tap mơng Việt Nam amăng bruă pơgang klin Covid-19, lăi pơhmư̆ Kơnuk kơna Thụy Sỹ amra djru tañ kơ Việt Nam 500.000 boh măi kit pơčrang kman tañ, 300.000 blah khăn gôm ƀô̆ hăng 30 boh măi suă jua oxy hăng mrô prăk abih tih ñu 120 klai prăk Việt Nam.

Siu H’Mai: Pơblang