VOV4.Jarai - Mơguah lơ 22/6, Jơnum min pơ ala mơnuih ƀon sang tơring čar Hậu Giang tal 10, rơwang thun 2021-2026 pơphun jơnum lok 1. Ding kơna Ding jum kơđi čar, Kơ-iăng khua pơ ala mơnuih ƀon sang dêh čar ơi Trần Thanh Mẫn nao pơhmư̆ hăng hơmâo đĭ pơhiăp ƀơi mông jơnum. Pơhiăp ƀơi mông jơnum anai, ơi Trần Thanh Mẫn git gai, mơng akŏ rơwang bruă 2021-2026, Khua mua Jơnum min pơ ala mơnuih ƀon sang tơring čar kiăng ngă hrŏm kơjăp hăng Khua mua Jơnum min mơnuih ƀon sang, Jơnum min djŏp djuai ania mơnuih mơnam Việt Nam tơring čar hăng Grup khua pơ ala mơnuih ƀon sang dêh čar tơring čar tŭ ư hơdră čih pơkra hăng pơtrun tơlơi pơkôl pơkă lăp djơ̆, hơmâo kah pơpha, jao bruă rơđah rơđông; Khua mua Jơnum min mơnuih ƀon sang, ding kơna mơng Jơnum min mơnuih ƀon sang hăng ƀing khua amăng Khul pơsir kơđi tơring čar phrâo hơmâo ruah khŏm pơtrut đĭ tơlơi rơgơi, gum pơgôp, pơsit hơdôm tơlơi bơbeč nao, mơneč mă tơlơi gêh gal, mă yua tơlơi hơmâo hơđăp mơng tơring čar, tŭ ư hrŏm tơlơi pơmin pran jua hăng bruă mă, gir akŏ pơdong tơring čar Hậu Giang jing anih pơđĭ kyar bơwih ƀong huă mơng kual lŏn dăo ia krông Cửu Long.

Siu H’Mai: Pơblang