VOV4.Jarai-Lơ 27/10, ƀơi Hà Nội, Ding jum ngă hmua hăng pơđĭ kyar plơi pla jơnum lăng nao rai amăng tivi đơ đam dêh čar, pơgôp hiăp akŏ bruă pơkă hnong pơgang hăng mă akan hơdang mơ̆ng thun 2021-2030, lăng nao pơ anăp adih truh thun 2050. Akan hơdang lĕ anom bruă bơwih ƀong phun, gơgrong yôm biă mă amăng bruă pơđĭ kyar bơwih ƀong huă mơnuih mơnam dêh čar, hăng hnong pơđĭ kyar jai hrơi pok prong, tơhnal pơđĭ kyar, pơkra pơjing rai lu gơnam hơmâo nua.

Tơhnal pơtrun kơ bruă pơkă hnong pơgang hăng mă akan hơdang mơ̆ng thun 2021-2030, lăng nao pơ anăp adih truh thun 2050, kiăng mă akan hơdang, pơgang rah, pơlar tui mơnong hơdip amăng ia, pơđĭ kyar bruă mă akan hơdang hơđong kjăp laih anun gơgrong ba; pơgang ayuh hyiăng anih hơdip jum dar, bong glăi hăng anŏ pơblih ayuh hyiăng lŏn tơnah, djơ̆ găl hăng bruă mut phung jar kmar; pơgang tơlơi rơnuk rơnua amăng kual ia rơsĭ, bul pơtâo ia rơsĭ jơlan guai dêh čar hăng tơlơi dưi ngă pô mơ̆ng dêh čar Việt Nam.

Nay Jek: Pơblang