VOV4.Jarai-Tơring čar Kon Tum ăt čih pioh dơ̆ng hơmâo 12 čô F0 hăng 13 čô mơnuih ƀă glăi dơ̆ng kman sars-cov-2, lêng kơ ƀing nao mă bruă pơ ƀôn prongHồ Chí Minh hăng hơdôm tơring čar : Đồng Nai, Bình Dương, Bình Phước glăi pơ tơring čar soh, ƀing ƀă ƀơi hơdôm tơring glông: Ngọc Hồi, Sa Thầy, Đak Tô, Đak Hà  laih anun dưi ba nao dŏ pơčlah laih soh lơ̆m phrâo glăi truh pơ tơring čar.  

Mơnuih ƀôn sang nao pơhaih bruă ia jrao ƀơi Anih pơgăn jơlan pơgang klin mrô1 Sao Mai, plơi prong Kon Tum

13 čô mơnuih ƀă glăi kman sars-cov-2 lĕ hơmâo ƀuh lơ 7/10 ƀơi tơring čar Kon Tum, ăt ƀing glăi mơ̆ng ƀôn prong Hồ Chí Minh hăng tơring čar Bình Dương soh. Tui anun yơh, mơ̆ng lơ 5-7/10, anom bruă ia jrao tơring čar Kon Tum hơmâo ƀuh 16 čô mơnuih F0 hăng 25 čô mơnuih ƀă glăi dơ̆ng kman sars-cov-2. Tơring čar Kon Tum ăt jing sa boh tơring čar ƀơi kual Dap Kơdư aka ƀu hơmâo mơnuih ƀă klin amăng kual plơi pla ôh.

Nay Jek: Pơblang