VOV4.Jarai-Lơ 21/7, anom bruă ia jrao tơring čar Kon Tum hơmâo čih pioh mơnuih tal 3 ƀă kman sars-cov-2, anun lĕ ơi B. T. X dŏ pơ să Đak Môn, tơring glông Đak Glei. Tơdơi kơ nao pơ tơring glông Kƀang, tơring čar Gia Lai, hơmâo jĕ giăm hăng mơnuih ƀă klin Covid 19, ơi B. T.X  mơ̆ng Gia Lai glăi pơ Kon Tum truh pơ anih pơgăn jơlan ĕp klin mrô 1 Sao Mai, gah să Hoà Bình, plơi prong Kon Tum laih anun arăng ba nao ĕp kman ƀuh hơmâo biă kman sars-cov-2.

Tui hăng  khua mua git gai bruă pơhlôm, pơgang klin Covid 19 tơring čar Kon Tum pô F0 anai ăt kah hăng 2 čô F0 hlâo kơ anun lêng kơ ƀuh hơmâo ƀă kman hăng brơi nao dŏ pơčlah mơtam, lơ̆m hmao ƀuh ƀơi anih pơgăn jơlan ĕp kman, aka ƀu mut nao amăng tơring čar Kon Tum ôh.

Kiăng kơ bruă pơhlôm, pơgang klin Covid 19 tŭ yua, Gơnong bruă ia jrao tơring čar Kon Tum lăi pơthâo hơduah ĕp tañ, hơdôm čô mơnuih nao pơ anih pơgăn jơlan ĕp kman ƀơi Sao Mai jơlan prang mrô 14, găn nao pơ plơi thôn 2, să Hoà Bình, plơi prong Kon Tum.

Nay Jek: Pơblang