VOV4.Jarai-Ƀơi tơring čar Kon Tum, djop gơnong bruă hơmâo tơlơi dưi ăt djru kơ sang bruă apah mơnuih mă bruă hăng mơnuih mă bruă apah tơnap tap yua Covid 19 ngă tui Hră pơtrun mrô 68 mơ̆ng Kơnuk kơna.

Tui hăng anun, hăng jơlan hơdră djru rơnoh prăk pơčruh hrom amăng Keh prăk pơhlôm tơlơi truh mă bruă, duăm ruă yua mă bruă, tơring čar Kon Tum hơmâo 872 boh sang bruă dưi djru rơbêh 15 rơbâo 300 čô mơnuih mă bruă apah.

Rơnoh prăk pơhlưh rơnoh pơčruh amăng 12 blan yap mơ̆ng blan 7/2021 lĕ 4 klai 670 klăk prăk. Hăng mơnuih mă bruă pơdơi bruă laih samơ̆ ƀu hơmâo tŭ mă prăk djru yua ƀu hơmâo bruă mă, Gơnong bruă Bruă mă Tơhan rơka hăng Mơnuih mơnam tơring čar Kon Tum hơmâo ngă hră djru kơ 50 čô amăng anun djru hrom 28 čô čơđai ană bă mơnuih mă bruă apah rơngiă bruă hăng rơnoh prăk truh kơ 213 klăk prăk.

Nay Jek: Pơblang