VOV4.Jarai-Ƀơi tơring čar Kon Tum, bruă djru kơ mơnuih mă bruă apah ƀong prăk blan, anom bruă apah mơnuih mă bruă bơbeč djơ̆ yua klin covid 19 ngă tui hăng tơlơi git gai mơ̆ng kơnuk kơna hlăk pok pơhai ngă tui tañ laih anun pơhlôm djơ̆ brơi kơ mơnuih tŭ mă tơlơi djru.

Ngă tui hră pơtrun jơnum mrô 68 hăng hră pơtrun mrô 23 mơ̆ng kơnuk kơna kơ jơlan hơdră djru kơ mơnuih mă bruă apah ƀong prăk blan hăng mơnuih apah arăng mă bruă bưp tơlơi tơnap tap yua klin covid 19 ngă, truh ră anai, giăm 880 boh anom bruă sĭ mơdrô hăng 16 rơbâo čô mơnuih mă bruă apah ƀơi tơring čar Kon Tum dưi djru hăng rơnoh prăk 5 klai 200 klăk prăk.

Hrom hăng djru mơnuih mă bruă apah tui hră pơtrun jơnum mrô 68 hăng hră pơtrun mrô 23, ngă tui hră pơtrun jơnum mrô 116 mơ̆ng Kơnuk kơna, tơring čar Kon Tum hơmâo rơbêh 17 rơbâo čô mơnuih mă bruă hơmâo blơi hră pơhlôm nua rơngiă bruă dưi djru boh ƀiă ñu 1 klăk 800 rơbâo prăk hăng lu hloh truh 3 klăk 300 rơbâo prăk sa čô. Truh plah wah blan 10 phrâo anai, hơmâo rơbêh 1.800 čô mơnuih mă bruă dưi tŭ mă prăk djru giăm 4 klai 600 klăk prăk mơ̆ng Keh prăk pơhlôm nua rơngiă bruă.

Nay Jek: Pơblang