VOV4.Jarai - Mơmot tom brơi lơ 21/6, ƀơi plơi prong Kon Tum, Ping gah, Jơnum min pơ ala mơnuih ƀon sang, Jơnum min mơnuih ƀon sang, Jơnum min wai lăng djŏp djuai ania mơnuih mơnam Việt Nam tơring čar Kon Tum hơmâo pơphun hăng tŭ mă prăk djru “Keh prăk vaccine hăng bruă pơgang klin Covid-19 tơring čar Kon Tum”. Ƀơi mông ngă bruă, tơdơi kơ tơlơi jak iâu mơng Khua Jơnum min mơnuih ƀon sang tơring čar Kon Tum ơi Lê Ngọc Tuấn, hơdôm rơtuh čô mơnuih, anom bruă, sang sĭ mơdrô amăng tơring čar hăng gah rơngiao tơring čar hơmâo nao djru hăng čih anăn djru Keh prăk.

Pơđut mông jak iâu hăng tŭ mă prăk djru “Keh prăk vaccine hăng bruă pơhlôm pơgang klin Covid-19 tơring čar Kon Tum”, grup pơphun bruă hơmâo tŭ mă prăk djru mơng hơdôm anom bruă, khul grup, anom bơwih ƀong, ƀing thâo pap, mơnuih ƀon sang amăng tơring čar hăng tơring čar pơkŏn hơmâo 13 klai prăk, amăng anun hơmâo 250 klăk prăk mơng Ping gah, gong gai hăng mơnuih ƀon sang tơring čar Attapư, dêh čar Lao djru ba bruă pơhlôm, pơgang klin Covid-19 ƀơi tơring čar Kon Tum.

Siu H’Mai: Pơblang