VOV4.Jarai-Ƀơi tơring čar Kon Tum hơmâo dua boh anom bruă pla kơsu ƀơi tơring glông giăm guai dêh čar Ia H’Drai, hlăk rơkâo brơi glăi kơ tơring čar wai lăng 1.700 ha đang kơsu, hlâo adih apah yua pla kơsu. Rơđah biă ñu, dua boh anom bruă pla kơsu rơkâo brơi glăi 1.700 ha lŏn đang kơ tơring čar Kon Tum, anun lĕ kông ty sa ding kơna pla kơsu Čư̆ Mom Mrai hăng kông ty pơčruh ngăn kơsu Sa Thầy lêng gah group kơsu Việt Nam.

Amăng anun, kông ty sa ding kơna Čư̆ Mom Mrai rơkâo brơi glăi kơ tơring čar 1.400 ha hăng kông ty pơčruh ngăn pla kơsu Sa Thầy jao glăi 300 ha. Khua mua dua boh anom bruă anai lăi, đơ đam lŏn đang brơi glăi lĕ lŏn čư̆ siăng, boh pơtâo, ia čroh hnoh, lŏn ia dong ha mơkrah pla kơsu ƀu jing ôh.

Khua phun kông ty sa ding kơna kơsu Čư̆ Mom Mrai brơi thâo, khua mua group kơsu Việt Nam hăng khua mua tơring čar Kon Tum ăt tŭ ư  mơ̆n jơlan hơdră anai.

Nay Jek: Pơblang