VOV4.Jarai - Tơdơi kơ 2 mông hyu ĕp, mơnuih apăn bruă tơring glông Ngọc Hồi, tơring čar Kon Tum hơmâo ĕp ƀuh laih anun ba glăi 6 čô ƀă kman F0 đuăi leč, glăi pơ anih pơjrao. Anih arăng ƀuh 6 čô đuăi leč anai dŏ kơdŏp lĕ ƀơi đang kơsu, să Đăk Kan, tơring glông Ngọc Hồi. Tơlơi pơhing mơng blung a brơi thâo, tơdơi kơ đuăi leč mơng anih pơjrao mơnuih ƀă klin F0 Sang ia jrao prong Ngọc Hồi, yua ƀu hơmâo rơdêh anun jing 6 čô F0 rơbat tơkai laih anun truh mông arăng ƀuh ƀing gơñu lĕ ƀing gơñu aka ƀu bưp pô pơkŏn ôh.

6 čô ƀă klin F0 đuăi leč hơmâo arăng ƀuh ƀơi đang kơsu, laih anun arăng ba glăi pơ anih pơjrao laih.

Hlâo kơ anun, năng ai 12 mông yang hrơi dong lơ 11/11, hơmâo 6 čô ƀă kman SARS-CoV-2 đuăi leč mơng anih pơjrao F0 mơng sang ia jrao prong Ngọc Hồi. 6 čô ƀă klin anai, pô anet hloh lĕ 16 thun, prong hloh lĕ 19 thun, lêng djuai ania Bahnar soh, dŏ ƀơi să Ngọc Bay, plơi prong Kon Tum. Amăng anun mơnuih mut nao pơ sang ia jrao tañ hloh amăng lơ 28/10, hăng phrâo anai lĕ amăng lơ 6/11.

Siu H’Mai: Pơblang