VOV4.Jarai - Hrơi bla rơgao, yua hơjan prong amăng lu hrơi, ngă lu anih glăk pơkra jơlan mơng Kơčăo bruă pơkra ming hơdôm glông jơlan juăt nao rai ƀơi Jơlan prang mrô 24 găn nao pơ tơring glông Kon Plŏng, tơring čar Kon Tum răm rai kơtang. Ƀơi anăp tơlơi anai, Anom bruă wai lăng kơčăo bruă hăng hơdôm anom bruă pơkra jơlan glăk ječ ameč pơkra glăi đah mơng pơhlôm nao rai rơnuk rơnua, pơkra tañ kiăng kiăo pơhrua glăi hơdôm hrơi kaih hĭ yua hơjan ngă.

Pel ĕp sa dua anih jơlan răm rai ƀơi jơlan prang 24.

Mrô jŭ yap mơng Anom wai lăng kơčăo bruă man pơkra jơlan nao rai Kon Tum ƀơi jơlan mrô 24 brơi ƀuh, ƀơi anih pơkra mrô 4 hăng mrô 5 glông 24km glông găn nao pơ tơring glông Kon Plŏng hơmâo 6 anih lŏn tơhlŏm, ngă rơngiă truh kơ 10 klai prăk. Gơnong bruă wai lăng jơlan tơring čar Kon Tum brơi thâo, hrŏm hăng tơlơi git gai mơng hơdôm anom bruă pơkra jơlan pơphun hyu suk, kuăi lŏn pơtâo, pơhlôm jơlan prang 24 thâo nao rai, anom bruă ăt pơsit rơđah kơ mrô prăk pioh pơkra, laih dong amra rơkâo kơ Ding jum jơlan nao rai brơi pơplih pơkra glăi ta luy âm ƀơi sa dua anih kiăng ring bruă hơmâo pơkra hơđong hloh.

Siu H’Mai: Pơblang