VOV4.Jarai - Ngă tui jơlan hơdră pơtrun mơng Ping gah, Kơnuk kơna, amăng hơdôm thun rơgao, Ping gah tơring čar, Jơnum min pơ ala mơnuih ƀon sang, Jơnum min mơnuih ƀon sang tơring čar Kon Tum lăng ba biă mă kơ bruă pơđĭ kyar kual mơnuih ƀon sang djuai ƀiă, lăng anai jing sa amăng hơdôm bruă ngă yôm phun đah mơng dưi pơđĭ kyar bơwih ƀong - mơnuih mơnam hơđong kơjăp ƀơi anai. Tŏng ten ñu, Jơlan hơdră 135 dêh čar pơtrun kiăng hrŏ trun hơđong kơjăp mrô sang anŏ rin rơwang thun 2016-2020 hơmâo djru ba 74 klai prăk pioh man pơdong anih anom, pơđĭ kyar bơwih ƀong, pok prong hơbô̆ bruă hrŏ trun mrô sang anŏ rin, pơđĭ tui tơlơi apăn bruă mơng abih bang mơnuih hăng ƀing khua mua ƀơi hơdôm boh să tơnap biă mă, să guai lŏn ia, să wai lăng rơnuk rơnua amăng kual, hơdôm boh plơi pla tơnap. Ping gah, Kơnuk kơna lăng ba mơnuih arăng đăo gơnang amăng kual mơnuih djuai ƀiă. Kơnuk kơna tuh pơ alin giăm 3 klai prăk pioh juh alum pran jua mơnuih arăng gơnang amăng plơi pla kơ prăk kăk, dram gơnam, brơi hră pơhing kiăng pơđok, pơtŏp bruă, pơbuă tui tơlơi thâo rơgơi.

Siu H’Mai: Pơblang