VOV4.Jarai-Rơbêh 15 thun rơgao, plơi Tu Thŏ, să Têsăng, tơring glông Tu Mrông, tơring čar Kon Tum khom đuăi 3 wơ̆t nao pơ plơi phrâo yua kơ lŏn tơhlom ngă. Phrâo anai, hơmâo kơnuk kơna djru ba, prăk kăk, tuh pơ alin pơkra jơlan, giăm 140 boh sang anŏ djuai ania Sedang hơđong laih pơ plơi phrâo.

Hăng rơnoh prăk tuh pơ alin mơ̆ng hlâo truh ră anai, tơring glông Tu Mrông brơi đuăi 139 boh sang anŏ, laih dơ̆ng, man pơdong plơi pla, ngă gêh găl kơ mơnuih ƀôn sang hơđong tơlơi hơdip mơda, dăng hrĕ apui lơtrik, pơkra đing ia pơđoh sô̆ mơñum, pơdong sang rông, pơdong sang hră gưl muai, jơlan rô nao rai amăng plơi, jơlan nao pơ hmua đang…kiăng hơđong tơlơi hơdip mơda kơ mơnuih ƀôn sang bơwih ƀong huă.

Ơi A Đê, Khua jơnum min mơnuih ƀôn sang să Têsăng brơi thâo, amra gir run abih thun 2021 pơdŭ đuăi abih 140 boh sang anŏ nao dŏ pơ plơi phrâo, kiăng hơđong mă bruă bơwih ƀong huă.

Nay Jek: Pơblang