VOV4.Jarai - Pơphun mơng lơ 13/10, tơring čar Kon Tum hơmâo pơphun brơi rơdêh pơgiăng tuai pơđuăi tui jơlan pơkă nao pơ 9 boh tơring čar, ƀon prong kah hăng: Vĩnh Phúc, Hải Dương, Thái Bình, Thanh Hóa, Quảng Ngãi, Đà Nẵng, Gia Lai, Bình Định hăng tơring čar Thừa Thiên - Huế.

Pruih jrao ƀơi rơdêh pơgiăng tuai hlâo či mut nao pơ tơring čar Kon Tum

Kiăng pơhlôm bruă pơgang klin Covid-19, Jơnum min mơnuih ƀon sang tơring čar Kon Tum kiăng Gơnong bruă wai lăng jơlan pơdŭ pơgiăng mơng tơring čar ngă hrŏm hăng Gơnong bruă wai lăng jơlan pơdŭ pơgiăng hơdôm boh tơring čar, ƀon prong hơmâo anăn tŭ ư hrŏm pơphun ngă bruă tui tơlơi pơtô ba mơng Ding jum wai lăng jơlan pơdŭ pơgiăng. Gơnong bruă ia jrao pơtô brơi, ngă tui hơdră pơgang klin Covid-19 hăng ƀing tuai mơng hơdôm boh tơring čar hơmâo lăi nao glăi pơ plơi pla laih anun hơmâo wai lăng gah ia jrao.

Siu H’Mai: Pơblang