VOV4.Jarai-Tơring čar Kon Tum phrâo ngă hră rơkâo Phun kông ty apui lơtrik kual Tong krah rơkâo sem lăng, pok pơhai tuh pơ alin man pơdong anom ngă pơđĭ trun apui lơtrik 110 kV Đak Glei hăng hrĕ apui 110 kV Bơ Y-Đak Glei tui hăng akŏ bruă. Tui hăng Jơnum min mơnuih ƀôn sang Kon Tum, bruă tuh pơ alin man pơkra anom ngă pơđĭ trun hrĕ apui lơtrik 110 kV Đak Glei hăng hrĕ 110 kV Bơ Y –Đak Glei kiăng biă mă yơh.

Ƀing ngă bruă sang măi apui lơtrik Kon Tum pơkra glăi hrĕ apui ƀơi Ngọc Hồi

Yua kơ hơmâo anih ngă tơdu čơtăng apui lơtrik phrâo pơkĕ hăng sang măi drai apui lơtrik ƀơi tơring glông Đak Glei kiăng djru hrom pơtrut tơlơi bơwih ƀong huă mơnuih mơnam tơring čar pơđĭ tui jua kơtang apui lơtrik či yua ƀơi Đak Glei. Dưi thâo hrĕ apui 110 kV Đak Glei hăng hrĕ 110 kV Bơ Y –Đak Glei jing amăng hơdră tơring čar Kon Tum tuh pơ alin pơkra apui lơtrik mơ̆ng thun 2016-2025, samơ̆ truh ră anai kaih hĭ 3 thun pơkă hăng akŏ bruă jao.

Anai lĕ anih ngă kơđông hĭ bruă dăng hrĕ apui lơtrik laih anun apui jua angin ƀơi dua boh tơring glông Ngọc Hồi hăng Đak Glei tơring čar Kon Tum ƀơi jơlan guai dêh čar hăng Lao.

Nay Jek: Pơblang