VOV4.Jarai - Tơring čar Kon Tum glăk pơphun tlâ̆o vaccine pơgang Covid-19 tal 2 kơ 17.620 čô mơnuih kiăng djru tlâ̆o hlâo tui tơlơi pơtrun mrô 21 lơ 26/2/2021 mơng Kơnuk kơna. Amăng mrô 17.620 čô mơnuih ƀơi tơring čar Kon Tum hơmâo tlâ̆o vaccine pơgang Covid-19 tal 2, hơmâo rơbêh 14.300 čô mơnuih lĕ ƀing glăk ngă bruă pơgang klin. Ƀing hơmâo djru tlâ̆o pơkŏn dong lĕ hơmâo 46 čô mơnuih ngă bruă pơtom hiăp hăng dêh čar tač rơngiao, tơhan ia rơsĭ, mơnuih wai lăng bruă nao rai hăng tač rơngiao laih dong rơbêh 3.200 čô mơnuih lĕ ƀing ba hyu gơnam yua kiăng hloh. Kiăng pơhlôm tŭ yua, rơnuk rơnua amăng hrơi tlâ̆o vaccine pơgang Covid-19 tal 2, anom bruă ia jrao tơring Kon Tum kah pơpha ƀing nao tlâ̆o jing dua tal. Tal sa pơphun amăng lơ 7/6/2021 tlâ̆o arăt tal 1 kơ 7.780 čô mơnuih. Tal dua mơng lơ 5/7/2021 tlâ̆o arăt tal 2 kơ 9.840 čô mơnuih hơmâo tlâ̆o laih arăt blung a.

Kông ñơn ƀơi Sang pơkra gơnam Hoà Bình, tơring čar Kon Tum pơkra gơnam rơnuk rơnua  pơgang klin Covid-19.

Siu H’Mai: Pơblang