VOV4.Jarai - Lơ 7/1, Kông an tơring čar Dak Nông hơmâo pơphun Jơnum klah čun glăi bruă mă amăng thun 2021 hăng lăi pơthâo bruă mă amăng thun 2022. Lăi pơthâo glăi ƀơi mông jơnum, thun blan rơgao, tơhan kông an Dak Nông gum pơgôp, ngă bruă hrŏm, gir găn rơgao tơnap tap, kơjăp bruă, lăi pơthâo rơđah djŏp bruă kiăng ngă, hơdră pơsir amăng hrơi mông ƀing ta hơdip hrŏm hăng klin covid-19, pơgang klin hơdeč hmar, tŭ yua.

Hăng hơdôm tơlơi dưi ngă rơgơi, truh kih, thun 2021, tơhan kông an Dak Nông hơmâo Khua mir sir brơi Miđai tơlơi dưi ngă hing hang mrô 2 kơ 1 grup, Miđai tơlơi dưi ngă hing ang mrô 3 kơ 1 čô tơhan, Miđai Pơgang ba Lŏn ia mrô 2, mrô 3 kơ 11 čô. Biă ñu anai lĕ thun tal 3 Kông an Dak Nông hơmâo Khua dêh čar brơi hră bơni; thun tal 4 hơmâo Ding jum kông an brơi hla kơ kơtưn ngă bruă rơgơi “Anom bruă ba jơlan hlâo bơkơtưn ngă bruă Yua tơlơi rơnuk rơnua Lŏn ia”.

Siu H’Mai: Pơblang