VOV4.Jarai - Mơguah lơ 26/9, Hlăk ai Kông ang tơring čar Dak Lăk ngă hrŏm hăng hơdôm anom bruă gum djru hơmâo nao čuă hăng brơi gơnam kơ hơdôm anih glăk dŏ pơgang klin. Grup hơmâo nao tơña bla hăng brơi 200 anung gơnam, gơnam yua gah ia jrao hăng gơnam kiăng yua pơkŏn dong kơ ƀing kông ang plơi prong Buôn Hồ hăng mơnuih ƀon sang tơnap tap ƀơi plơi prong. Rim anung gơnam hơmâo nua 1 klăk prăk, hơmâo 5 kg braih, ia luil, ia mam, ia tơsâo rơmô, ia jrao duam pơ-iă drơi, khăn gôm ƀô̆, ia sô tơgơi, ia čơƀu boh sum ao, añăm pơtăm, boh mơnŭ, akan săt. Hrŏm hăng anun, grup ăt nao tơña bla hăng brơi hơdôm rơtuh blah sum ao pơgang klin, khăn gôm ƀô̆, ia rao tơngan, gơnam ƀong jăng jai hŭi rơmon, ia mơñum kơ ƀing khua, ling tơhan hăng mơnuih glăk wai lăng pơgang klin ƀơi plơi prong Buôn Hồ, kông ang tơring glông Krông Ƀuk hăng hơdôm anih dŏ gak pơkŏn dong mơng să Pơng Drang (Krông Ƀuk) hăng să Ea Hồ (Krông Năng).

Kông ang tơring čar Dak Lăk brơi gơnam kơ hơdôm anih dŏ gak pơgang klin Covid-19.

Siu H’Mai: Pơblang