VOV4.Jarai - Lơ 26/7, Anom bruă git gai tơhan hăng Kông ang ƀon prong Hồ Chí Minh ba nao tơhan hyu tir, wai lăng bruă ngă tui tơlơi pơtrun pơgang klin ƀơi ƀon prong. Tui anun, ling tơhan pơphun ngă hrŏm hyu tir mơng 4 mông tlam lơ 26/7/2021 laih anun mă bruă hrơi mlăm mơtăm yơh, ƀơi 12 anih dŏ gak pơgăn, anih mut nao rai hăng 90 anih dŏ gak phun. 450 čô tơhan gah Trung đoàn Gia Định hăng Tiểu đoàn Wai lăng tơhan 31, Anom bruă git gai tơhan ƀon prong Hồ Chí Minh ngă hrŏm hăng hơdôm rơtuh čô tơhan pôlih wai lăng jơlan, tơhan hình sự, 113 hăng tơhan rŭi hyu hơdeč hmar gah Kông ang ƀon prong Hồ Chí Minh či pơđĭ tui anih dŏ gak, hăng hyu tirlu hloh ƀơi jơlan. Tal ngă hrŏm anai, ƀing khua, ling tơhan gum djru tơhan kông ang amăng bruă kiăng mơnuih, rơdêh dŏ ƀơi jơlan, sem lăng kiăng pơsit djơ̆ pô, rơdêh dưi nao rai amăng mông ngă tui tơlơi pơtrun 16; tơdah ƀuh mơnuih ngă soh lĕ lăi glăi hăng kông ang čih hră bơtơhmal tui tơlơi phiăn.

Siu H’Mai: Pơblang