VOV4.Jarai - Amăng tlam mơmŏt lơ 7/10 ƀơi dơnao drai ia apui lơtrik Plei Krông, ară ngăn nao ƀut plơi 3, să Hà Mòn, tơring glông Đăk Hà, tơring car Kontum ƀuh blư̆ trăm song ngă 2 čô mơnuih rơngiă. Tui hăng tơlơi pơhing mơng Jơnum min mơnuih ƀon sang să Hà Mòn, tơring glông Đăk Hà, tui lăi pơthâo amăng yang hrơi dong hơmâo 7 čô hlăk ai pơphun đĭ hyu song nao wah akan amăng dơnao ia anau laih anun dŏ mơñum ƀong hlao.

Tơhan hyu ĕp mơnuih ia ƀlung

Truh tlam  ƀing gơñu čeo song nao pơ hang hăng 4 čô glăi hlâo. Tlâo čô dŏ glăi yua kơ hơmâo sa čô wơr măi telephôn yua anun čeo song pơwŏt glăi ĕp. Lơ̆m song ataih mơng hang giăm 30 met, song blư̆ trăm laih anun sa čô đôč dưi luai nao pơ sang, 2 čô pơkŏn ia ƀlung, ĕp aka ƀu ƀuh ôh. Tơdơi kơ hmư̆ hing kơ bruă anai, gong gai să Hà Mòn, tơring glông Đăk Hà hơmâo pơkiăo nao tơhan gum hrŏm hăng kông ang hyu ĕp ƀing rơngiă. Truh rơbêh 12 mông, tui tơlơi pơhing mơng tơhan ăt aka ƀu ĕp ƀuh ƀing gơñu.

Siu Đoan: Pơblang