VOV4.Jarai - Čơkă mơ-ak Hrơi pioh kơ nai pơtô čơđai Việt Nam lơ 20/11, mơguah lơ 16/11, ƀơi plơi prong Kontum, Gơnong bruă pơtô pơhrăm tơring čar Kontum pơphun ngă Lơpget ƀơk hră pơanăn “Nai pơtô mơbruă” kơ dua čô nai hăng bơni hơdôm gru ba jơlan hlâo.

Dua čô anai mơng tơring čar Kontum ư-ang dưi hmâo Khua mir sir dêh čar ta ƀơk brơi hră pơ-anăn yôm phăn “Nai pơtô mơbruă” le\ nai Nguyễn Thị Hoàn, Kơ-iăng Khua Sang hră gưl 3 Chu Văn An hăng nai Nguyễn Xuân, Kơ-iăng Khua hơđăp Sang hră gưl 3 Ngô Mây, plơi prong Kontum. Amăng mông ngă Lơphet, ƀing khua pơ ala hrom hăng rơbêh kơ 100 čô nai pơtô čơđai pơ ala brơi rơbêh kơ 11 rơbâo čô mơnuih wai lăng, nai pơtô... mă bruă gah pơtô pơhrăm tơring čar Kontum hmâo hơdor tơngiă, pơpŭ ƀing nai hmâo lu pran tuh rơyuh pioh kơ bruă pơtô pơhrăm, biă ñu amăng hơdôm hrơi klin Covid-19 ngă tơnap./.

Siu H’ Prăk: Pô pơblang