VOV4.Jarai - Čơtlăm lơ 8/11, ƀơi plơi prong Kontum, Ping gah tơring čar Kontum pơphun ngă Lơphet klah čun hăng ƀơk pri pơplông čih tơlơi pơhing pơdŏng Ping gah tơring čar Kontum thun 2021. Tal blung a pơphun, tơdơi giăm 4 blan pơphun, Grŭp pơphun bruă pơplông hmâo mă 168 mơta tơlơi čih mơng 150 čô mơnuih, grŭp, mơng 17 bôh anih anom, ƀirô, anom bruă hăng khul ling tơhan amăng tơring čar gum hrom.

Ƀơk pri A kơ tơlơi čih pơdah rŭp mơng grŭp čih tơlơi pơhing hmâo mă pri

Amăng mrô hơdôm tơlơi čih gum pơplông hmâo 82 mơta tơlơi čih pơhlôm djơ̆ hơdră dưi ruah. Tơlơi pơsit mơng Grŭp pơphun pơplông, brơi ƀuh hơdôm tơlơi čih hmâo đing nao lăi nao abih bang hơdôm mơta bruă pơdŏng Ping gah. Khul čom puang hmâo ruah 13 mơta tơlơi čih thâo hloh, klă hloh lăi pơthâo kơ Grŭp pơphun bruă pơplông tŭ yap, ƀơk pri C kơ 6 mơta tơlơi čih; Pri B kơ 4 mơta tơlơi čih; Pri A dưi ƀơk brơi kơ 3 mơta tơlơi čih. Hơdôm tơlơi čih hmâo mă pri tal anai amra dưi mơ-ĭt nao pơplông Pri čih tơlơi pơhing đơ đam dêh čar ta kơ pơdŏng Ping gah (Pri Buá Liêm Vàng) tal VI thun 2021./.

Siu H’ Prăk: Pô pơblang