VOV4.Jarai - Lơ 24/9, ƀuh sa čô đah rơkơi djai đông ƀơi jơlah ia krông Pô Kô giăm să Tân Cảnh, tơring glông Đăk Tô, Kontum. Mơnuih djai amăng ia krông Pô Kô, pơ bah drai ia apui lơtrik Đăk Pô Kô, ƀơi să Tân Cảnh, tơring glông Đăk Tô hơmâo ƀing kông nhơn Sang măi Cồn hăng Tơpung hơbơi plum Đăk Tô lơ̆m dŏ mă bruă ƀuh giăm 7 mông mơguah lơ 24/9.

Hơjan yua kơthel mrô 6 ngă kơ ia prong ƀơi hơdôm ia krông amăng tơring čar Kontum

Tui tơlơi lăi pơthâo blung a mơng mơnuih ƀon sang dă Tân Cảnh pô anai ană B.V.T 46 thun, dŏ ƀơi Ƀut plơi 2, tơring kual Đăk Tô. Pô anai đuăi mơng sang mơng lơ 11/9/2021 hăng pô sang ăt hơmâo hră pơhing kiăng kơ ĕp ñu amăng plăng mơnuih mơnam. Tơdơi kơ hmư̆ hing, kông ang tơring glông Đăk Tô hơmâo pơkiăo nao mơnuih pel ĕp hăng ngă rơđah yua hơget ñu djai.

Siu Đoan: Pơblang