VOV4.Jarai -  Tơdơi 15 hrơi pơhmư̆ mông Ngă lơphet pok phun thun hrăm phrâo tui jơlan tivi hăng hrăm mơng ataih ƀơi sang kiăng pơgang klin Covid-19, mơguah tom brơi (20/9), rơbêh kơ 164.000 čô čơđai sang hră hơdôm gưl mơng tơring čar Kontum nao sang hră pơphun mông hrăm hră ƀơi anih hrăm dưi hmâo tơring čar Kontum kiăng lăng glăi tŏng hăng rơkâo pơhlôm đut hlah kơ čơđai sang hră hăng nai pơtô čơđai.

Pel ĕp pơ-iă drơi jăn kơ čơđai sang hră hrơi blung a nao sang hră gưl 3 Lê Lợị, plơi prong Kontum

Truh ră anai khă hmâo čih pioh 27 čô mơnuih ƀă kơman hăng Sars-CoV-2, samơ̆ Kontum lĕ sa tơring čar ƀơi Dăp Kơdư akă hmâo mơnuih ƀă kơman klin amăng plơi pla. Amăng mông mơguah blung a čơđai nao sang hră hrăm ƀơi anih hrăm, Grŭp khua mua 373 bôh sang hră ƀơi Kontum hmâo tơpă ngă tui bruă pơgang, pơgăn klin Covid-19.

Mông hrăm ƀơi sang hră blung a čơđai anih sa, Sang hră gưl sa Thực hành Sư phạm Ngụy Như Kontum

Abih bang čơđai sang hră ăt kah hăng nai pơtô čơđai leng kơ dưi pơkă lăng ayuh pơ-iă drơi jăn hăng gôm adung mơbah amăng mông pơtô pơhrăm ƀơi sang hră./.

Siu H’ Prăk: Pô pơblang