VOV4.Jarai - Pơphun mơng lơ 15/7, tơring čar Kontum pok pơhai ngă tui bruă djru prăk kak kơ hơdôm grup djru pơgang klin Covid-19. Tui anun, Jơnum min mơnuih ƀon sang tơring čar Kontum hơmâo djru prăk kak kơ grup djru pơgang klin Covid-19 hăng nua ñu 80.000 prăk/cô/hrơi. Mrô mơnuih djru amăng rĭm grup ƀu rơgao 1 cô/hrơi.

Abih bang mơnuih phaih gah ia jrao hlâo kơ mut nao Kontum

Kiăng kơ hơmâo prăk djru anai, Jơnum min mơnuih ƀon sang tơring čar Kontum rơkâo Kơnuk kơna djru brơi 70%, dŏ glăi 30% yua kơ sang bruă prăk amăng tơring čar kah pha. Ră anai tơring čar Kontum hơmâo 2.832 grup djru pơgang klin Covid-19. Yua anun hăng rơnoh djru 80.000 prăk brơi sa čô mơnuih amăng rĭm grup, ha hrơi abih bang rơnoh prăk mơ̆ tơring čar Kontum duh lĕ rơbêh 220 klăk prăk. Kontum lĕ sa amăng ƀiă tơring čar amăng đơ đam truh ră anai aka ƀu hơmâo hlơi ôh ƀă virus Sars-Cov2, samơ̆ amuñ hơmâo mơnuih ƀă klin biă mă.

Siu Đoan: Pơblang