VOV4.Jarai -  Lom ngă tui rơwang bruă pơplih pơkra glăi hơdôm črăn răm rai ƀơi jơlan mrô 24 găn să Hiếu, tơring glông Kon Plông, tơring čar Kontum hmâo tơlơi bôr đĭ lŏp đĭ hmua pơdai mơnuih ƀôn sang. Hơdôm bôh anom pơkra jơlan mơng tơring čar Kontum hmâo tañ pơphun bruă pơkôl amra djru lăp djơ̆ kơ mơnuih ƀôn sang.

Lŏn bôh pơtâo lŏp đĭ ngă mơnuih ƀôn sang ƀu dưi ngă hmua

Bôh nik brơi ƀuh, lom pơkra jơlan anung prăk mrô 5 pơplih pơkra glăi jơlan 24 hmâo tơlơi ia kor đuăi lŏn lŏp đĭ ƀơi hmua giăm truh 8 ektar mơng 87 bôh sang anô̆ mơnuih ƀôn sang. Grup wai lăng rơwang bruă pơdŏng ring bruă jơlan nao rai Kontum hmâo laih jơlan gah djru mơnuih ƀôn sang. Hmâo tơlơi tŭ ư hrom mơng mơnuih ƀôn sang, bruă djru hmua pơdai răm rai amra ngă tui amăng blan 10./.

Siu H’ Prăk: Pô pơblang