VOV4.Jarai - Ƀơi anăp kơ tơlơi tơnap tap mơng klin Covid-19 ƀơi ƀôn prong Đà Nẵng, mơng lơ 21/6, gơnong bruă wai lăng jơlan glông tơring čar Kontum pơdơi hĭ bruă pơgiăng tuai mut nao rai amăng tơring čar. Laih dong hơdôm rơdêh pơgiăng hyu mơnuih hơmâo (rơdêh đuăi nao rai hơdôm tơring čar, taxi, rơdêh pơgiăng hyu tuai čuă ngui) tơdah pơgiăng tuai mơng ƀôn prong Đà Nẵng amra ƀu brơi dŏ kah hăng mut nao tơdrŏn rơdêh amăng tơring čar Kontum. Bơ ƀing mơnuih nao hăng glăi mơng ƀôn prong Đà Nẵng yua hơmâo bruă ječ, rơdêh pơgiăng ƀing mơnuih ruă kă, mơnuih abih hrơi pơčlah, rơdêh pơgiăng gơnam, mơnuih djru pơgang klin kiăng hơmâo tơlơi tŭ ư mơng anom bruă bơdjơ̆ nao. Gơnong bruă wai lăng jơlan glông tơring čar Kontum jao anom bruă hơduah ĕp tŏ tui gum hrŏm hăng hơdôm anom bruă bơdjơ̆ nao črâo ba, pel ĕp hăng wai kjăp dong djơ̆ hăng tơlơi pơkă amăng pơgang klin amăng rơdêh pơgiăng mơnuih.

Siu Đoan: Pơblang