VOV4.Jarai -  Lơ 21/10, tơring čar Kontum thâo hmâo 8 čô mơnuih F0 tal blung a amăng plơi pla, hmâo 5 čô mơnuih amăng sa bôh sang anô̆ ƀơi thôn 5, să Hà Mòn, tơring glông Đăk Hà hăng 3 čô mơnuih apăn bruă, mă bruă ia jrao mơng Anom ia jrao tơring glông Tu Mrông.

Khul apăn bruă pơgang klin Đăk Hà ngă tui bruă pơgang pơgăn klin Covid-19 ƀơi kual mơnuih ƀôn sang dô̆

Lăp đing nao 3 čô mơnuih apăn bruă, mơnuih mă bruă ia jrao tơring glông Tŭ Mrông dưi pơsit ƀă kơman Sars-CoV-2 ră anai akă rơđah ôh mơng tưp lar hăng leng kơ hmâo tlâ̆o pơgang ară tal dua vaccine pơgang Covid-19 sôh. Kiăng pơgang, pơgăn klin, Jơnum min mơnuih ƀôn sang tơring čar hmâo hră pơ-ar ječ git gai tañ pok pơhai bruă pơgang pơgăn klin Covid-19. Rơđah biă ñu, tơring čar Kontum rơkâo pơphun guang dar anih hmâo klin jăng jai kual prong anih mơnuih ƀôn sang dô̆ hmâo mơnuih ƀă klin, anun lĕ Đăk Hà, Tŭ Mrông, Đăk Tô hăng plơi prong Kontum, hơdôm bôh anom bơdjơ̆ nao pơphun mơtăm bruă guang dar kual pơčrang lăng prong, pơdŏng anih dô̆ cơlah gah ia jrao kual hmâo klin Covid-19 (kual añep tơdah kiăng)./.

Siu H’ Prăk: Pô pơblang