VOV4.Jarai - Ngă tui Tơlơi pơtrun pơsit Jơnum Ping gah tơring čar Kontum tal 16 kơ bruă pla 15.000 ektar đang kyâu, ră anai hơdôm bôh tơring glông, plơi prong mơng tơring čar Kontum pơphun pok pơhai bruă pla kyâu ƀơi kual lŏn prong.

Kontum pơphun pok pơhai pla kyâu ƀơi kual lŏn prong

Kiăng bruă pla kyâu ba glăi bôh tơhnal hăng mrô phun pla dô̆ hơdip lu, gong gai hăng gơnong bruă đang hmua mơng tơring čar hmâo gơgrong hlâo kơ anah kyâu pla ăt kah hăng lŏn pla pioh pla kyâu. Gum hrom pla kyâu, hơdôm khul grŭp, mơnuih hăng plơi pla dưi hmâo gong gai hăng gơnong bruă đang hmua tơring čar djru anah kyâu pla, jrao pơgang arong hlăt hrom hăng apah mơnuih pla. Bôh than ba tơbiă mơng tơring čar Kontum amăng thun anai lĕ pla 3.000 ektar đang kyâu, samơ̆ bôh nik ñu brơi ƀuh lu bôh than sa dua anih anom amra pla lu hloh kơ kual lŏn jao pla./.

Siu H’ Prăk: Pô pơblang