VOV4.Jarai - Anom bruă jơnum min pơ ala mơnuih ƀon sang tơring čar Kontum brơi thâo, Jơnum blung a jơnum min pơ ala mơnuih ƀon tơring čar tal XII (rơwang thun 2021-2026) him lăng pơphun amăng 2 hrơi (mơng lơ 1-2/7/2021) ƀơi Sang jơnum Ngọc Linh, plơi prong Kontum. Amăng mông jơnum amra sem lăng hơdôm hră mơ-it kơ bruă ruah mơnuih apăn bruă, 4 pok hră Tơlơi pơsit yua Khul apăn bruă Jơnum min pơ ala mơnuih ƀon sang tơring čar mơ-it đĭ; hră lăi pơthâo mơng Khul jơnum min pơ ala mơnuih ƀon sang tơring čar. Jơnum min mơnuih ƀon sang tơring čar amra mơ-it jơnum min pơ ala mơnuih ƀon sang tơring čar 7 hră lăi pơthâo anun lĕ: hră lăi pơthâo kơ bruă bơwih ƀong hă mơnuih mơnam, pơhlôm rơnuk rơnua amăng 6 blan akŏ thun hăng hơdră bruă, bruă jao amăng 6 blan rơnuč  thun; hră lăi pơthâo kơ bruă pơhrui, mă yua ngăn drap kơnuk kơna amăng 6 blan akŏ thun; hră lăi pơthâo bruă pơkrem, pơgăn hưp ƀong kông ngăn amăng 6 blan akŏ thun hăng hơdră bruă, bruă jao 6 blan rơnuč thun;…Him lăng hơmâo 12 pok hră pơ-ar Tơlơi pơsit amra hơmâo Jơnum min mơnuih ƀon sang tơring čar mơ-it đĭ amăng tal jơnum anai.

Siu Đoan: Pơblang