VOV4.Jarai - Mơguah lơ 25/8, Ping gah, gong gai hăng mơnuih ƀon sang să Čư̆ Hreng, plơi prong Kontum tŭ mă tơlơi pơsir mơng Jơnum min mơnuih ƀon sang tơring čar Kontum tŭ yap să dưi ngă pơgiong hơnong pơkă plơi pla phrâo.

Pô pơ ala brơi să Čư̆ Hreng tŭ mă tơlơi pơsit pơgiong hơnong pơkă plơi pla phrâo mơng Jơnum min mơnuih ƀon sang tơring čar Kontum

Tơdơi kơ 10 thun girr run man pơdong plơi pla phrâo, să Čư Hreng, plơi prong Kontum dưi ngă 19/19 hơnong pơkă hăng lu mơta bruă klă hloh, anun lĕ mrô mơnuih hơmâo bruă mă lơ̆m truh thun mă bruă rơbêh 99%; mrô sang anŏ ƀun rin dŏ 2,55%; prăk pơhrui rĭm akŏ mơnuih rĭm thun rơbêh 41 klăk 400 rơbâo prăk. Hăng bruă să Čư̆ Hreng arăng tŭ yap plơi pla phrâo, truh ră anai plơi prong Kontum hơmâo 7 boh să plơi pla phrâo hăng anai lĕ să plơi pla phrâo tal 29 amăng tơring čar Kontum.

Siu Đoan: Pơblang