VOV4.Jarai -  Lơ 21/9, ƀơi anih dô̆ gak mrô 1 Sao Mai, ƀơi bah amăng mut tơbiă gah Dơnung mut amăng tơring čar Kontum, khul apăn bruă gak wai tơring čar Kontum nao test tañ thâo krăn 2 čô mơnuih ƀă kơman Sars-CoV-2. Hơdôm mơnuih bưp giăm ăt dưi pơsit hăng mă yua djơ̆, pơhlôm Kontum ăt pơhlôm hăng Covid-19 mơn amăng plơi pla. Dua čô mơnuih anai lĕ N.V.T 33 thun mơgăt rơdêh dô̆ pơ̆ tơring čar Bình Định, mă bruă ƀơi ƀôn prong Hồ Chí Minh hăng pô nao hrom lĕ H.V.T akă rơđah plơi pla pơ̆ hơpă. Tơdơi kơ thâo ƀă kơman klin, khul pơgang klin ƀơi anih dô̆ gak Sao Mai hmâo pơphun guang dar kual, rơkâo hơdôm mơnuih mă bruă hăng mơnuih ƀôn sang glăk ngă hră ƀơi anih dô̆ gak ƀu tơbiă gah rơngiao. Tui anun truh ră anai tơring čar Kontum hmâo thâo 29 čô mơnuih ƀă kơman Sars-CoV-2 hăng leng kơ dưi ba nao dô̆ čơlah pơjrao tơdơi kơ mut amăng tơring čar mơtăm. Kontum ră anai akă hmâo hlơi ƀă kơman Covid-19 amăng plơi pla ôh./.

Siu H’ Prăk: Pô pơblang