VOV4.Jarai - Ƀu djơ̆ kơnong wer đuăi hăng ƀu ngă tui bruă pơgang klin Covid-19, Phan Trọng Hậu taih 2 čô tơhan wai lăng jơlan glông lơ̆m arăng kiăo mă ñu. Bruă anai ƀuh ƀơi anih wai pơgang klin Covid-19 mrô 2 tơring čar Kontum ƀơi anih wai lăng giăm jơlan kơčep Lò Xò - jơlan Hồ Chí Minh (km mrô 1414+600), ară jơlan giăm drai ia Đăk Chè, plơi Măng Khênh, să Đăk Man, tơring glông Đăk Glei;

Phan Trọng Hậu arăng mă 

Phan Trọng Hậu, 29 thun dŏ ƀơi Tây Ninh đĭ rơdêh thut kơtuai tui jơlan Hồ Chí Minh hăng mrô rơdêh 60B4-46481 đuăi mơng tơring glông Phưsơc Sơn, tơring čar Quảng Nam nao pơ tơring glông Đăk Glei, Kontum. Tơdơi kơ taih 2 čô tơhan pôlih, Hậu hơmâo 2 čô tơhan hrŏm hăng kông ang să Đăk Man mă pơkŏng. Ră anai kông ang tơring glông Đăk Glei, Kontum glăk tơña pô anai kiăng kơ ngă rơđah.

Siu Đoan: Pơblang