VOV4.Jarai - Hră lăi pơthâo Khua pơ ala mơnuih ƀon sang dêh čar, mơnuih ƀon sang amăng đơ đam dêh čar ta amăng jơnum lok 2, Khua pơ ala mơnuih ƀon sang dêh čar tal 15, Khua dêh čar ta ơi Phạm Minh Chính brơi thâo, thun 2021, amăng hrơi blan dêh čar bưp tơnap tap, tơlơi lông kơtang hloh lơ̆m klin Covid-19 hơđuh đĭ tal 4 hăng djuai phrâo Delta glăk lar hyu tañ hloh, ngă hŭi rơhyưt pơhmu hăng hơdôm djuai klin hlâo anun, yua anun dêh čar ta khŏm ngă tui hơdôm hơdră pơgang kjăp hloh, aka ƀu ƀuh ôh mơng đưm hlâo kiăng kơ ngă tui hơnong pơkă pơgang klin, lăng tơlơi suaih pral kơ ană mơnuih yôm hloh. Kơ bruă pơđĭ kyar bơwih ƀong huă mơnuih mơnam thun 2022, Khua dêh čar lăi rơđah hơdôm tơlơi git gai amăng anun hơmâo lăi pơtong:ngă kiăo tui akŏ bruă pơđĭ kyar mơng tơlơiu pơsit Jơnum Ping gah tal XIII. Ngă tui pran gum pơgôp mơng abih bang mơnuih hăng djop anom bruă; gơgrong mă pô, khin hơtai, gơnang nao tơlơi dưi amăng lŏn ia, tač rơngiao lĕ yôm hloh. Lăng tơlơi suaih pral kơ abih bang mơnuih lĕ yôm hloh, blung hlâo kiăng ƀơƀrư̆ pơhlôm rơnuk rơnua, hơdeč hmar, wai pơgang kjăp hloh klin Covid-19.

Siu Đoan: Pơblang