VOV4.Jarai - Tui hăng Tơlơi pơtrun mơng Kơnuk kơna, ƀon prong Hồ Chí Minh gir dưi pơgang klin hlâo lơ 15/9/2021. Hơdôm boh tơring čar: Bình Dương, Long An, Đồng Nai gir dưi pơgang klin hlâo lơ 1/9/2021. Hơdôm boh tơring čar, ƀon prong pơkŏn gir dưi pơgang klin hlâo kơ 25/8/2021. Kiăng pơƀut pơgăn, pơgang klă klin Covid-19, ƀu dưi ngă rung răng sang ia jrao, bơwih ƀong - mơnuih mơnma, Kơnuk kơna tŭ ư ngă tơlơi pơtrun mrô 86/NQ-CP kơ hơdră ječ ameč pơgang klin Covid-19. Tơlơi pơtrun lăi rơđah hơdră ngă bruă. Tong ten: Ngă tui djŏp tơlơi pơtrun pơgang klin, biă ñu brơi pơčlah mơnuih mơnam khŏm ngă klă, khut khăt; nao lăng, juh alum pran jua mơnuih ngă bruă, sem lăng djŏp bruă pơgang klin, hơdră pơgang kiăng thâo djru tañ tơdah klin hơmâo tơlơi pơplih phara. Abih bang abih ngă tui tơlơi pơtô ba “nao tơl sang phang tơl adring”, hơmâo ƀuh, pơsir hlao mơtăm bruă hơmâo mơnuih rai mơng plơi pla hơmâo klin tui tơlơi phiăn; bơtơhmal mơtăm mơnuih ngă soh, wơ̆t kơđi tơlơi soh prong tui hăng tơlơi phiăn hăng ƀing ƀu ngă tui tơlơi phiăn, pơgăn pơge bruă pơgang klin, ƀrưh mơhiah kơ mơnuih lăk djru pơgang klin.

Siu H’Mai: Pơblang