VOV4.Jarai - Ăt amăng lơ 9/11, Khua pơ ala mơnuih ƀon sang dêh čar tŏ tui pơčrông sai hơdôm hơdră pơgang klin Covid-19. Ƀing khua mua lăng yôm hơdôm hơdră pơtrun mơng Kơnuk kơna amăng pơgang klin Covid-19 kiăng kơ hluai tui tơlơi sit nik, gir run pơtrut pơtom hiăp kiăng tañ jao vaccine, ia jrao pơjrao brơi mơnuih ƀă klin. Samơ̆, sa, dua čô khua brơi thâo: bruă pơhŭi hlâo kơ klin Covid-19, git gai bruă pơgang klin ƀơi sa, dua boh ƀon lan dŏ sư̆ rơbư̆, bruă pơtrun sa, dua tơlơi pơkă ngă hră pơ-ar ƀơi sa, dua ƀon lan aka ƀu djơ̆ hrŏm, ngă tơnap tap kơ bruă nao rai, pơgiăng hyu gơnam tam. Lu khua mua rơkâo kơnuk kơna kiăng: tañ lăng glăi sa, dua tơlơi pơkă ră anai lơ̆m hluai tui tơlơi sit nik, pơhlôm rơnuk rơnua, pơgang klin kjăp hloh kiăng pơplih tui ƀơƀrư̆ amăng djop mơta bruă. Lăi nao kơ bruă hrăm lăng nao rai mơng ataih amăng hrơi blan klin Covid-19 dŏ lar hyu, sa, dua čô khua brơi thâo: bruă hrăm lăng nao rai mơng ataih lĕ kiăng hloh ră anai, pơhlôm rơnuk rơnua brơi ƀing mơnuih hrăm lơ̆m klin dŏ ngă tơnap tap, mah bruă pơtô hrăm aka ƀu pơhlôm klă ôh; gơnam măi mok amăng pơtô hrăm dŏ kơƀah, bruă wai lăng ăt aka ƀu kjăp hlơi.

Siu Đoan: Pơblang