VOV4.Jarai - Ding jum ia jrao phrâo hơmâo kông điêng mơ-it Khua khul git gai pơgang klin Covid-19 hăng Khua Jơnum min mơnuih ƀon sang hơdôm tơring čar, ƀôn prong kiăng kơtưn kjăp amăng bruă pơgang klin  djuai Omicron. Ƀơi Việt Nam hơmâo laih mơnuih ƀă djuai klin Omicron ƀơi 3 kual: Kơdư, dơnung hăng tong krah lĕ ƀing mơnuih mut rai mơng tač rơngiao, ƀing gơñu hơmâo arăng ba nao pơčlah hmao tlôn. Amăng hrơi blan djuai klin Omicron amra mut rai hăng lar hyu kơtang, Ding jum ia jrao rơkâo hơdôm tơring čar, ƀôn prong git gai khut khăt, kơtưn ngă tui hơdôm hơdră pơgang klin Covid-19; gơgrong pơgang djuai klin phrâo Omicron; pơjing hơdră bruă, prap lui hlâo hơdôm tơlơi hŭi kơ hơmâo tơlơi truh sat mơng klin Covid-19 ƀơi ƀon lan, klă dong amăng bruă ia jrao tui tơlơi rơkâo 4 mơta ha anih; kơtưn pel ĕp, wai lăng ƀing mơnuih mut rai mơng tač rơngiao. Hơdôm ƀon lan kiăng kơtưn pơtô pơblang kiăng mơnuih ƀon sang rang kơđiăng hăng djuai klin phrâo Omicron, anăm tum pơƀut lu mơnuih lơ̆m ƀu hơmâo bruă hơget kiăng hloh.

Siu Đoan: Pơblang