VOV4.Jarai - Mơguah lơ 17/11 ƀơi Hà Nội, Khua anih jưh pơ ala kơ dêh čar Japan ƀơi Việt Nam ơi Takio Yamada hăng yă Rana Flowers Khua pơ ala kơ Keh prăk čơđai muai Sang gum hơbit djop dêh čar (UNICEF) ƀơi Việt Nam hmâo kĭ hră pơkă bơkơtuai “Rơwang bruă kơtưn gơgrong ba tơlơi ayuh hyiăng ƀu klă hăng pơplih ayuh hyiăng kơ čơđai muai”. Rơwang bruă anai yua kơ Kơnuk kơna Japan djru hluai tui Keh prăk čơđai muai Sang gum hơbit djop dêh čar ƀơi Việt Nam, hmâo nua 5 klăk 700 rơbâo dolar Mi kơ rơwang mơng thun 2021-2026. Amăng rơwang bruă amra prăp brơi kơ čơđai muai, sang anô̆ hăng plơi pla hơdôm bôh thâo, tơlơi kiăng yua pioh bŏng glăi hăng pơplih ayuh hyiăng hăng tơlơi tơlơi truh yua kơ ayuh hyiăng ƀu klă ngă ƀơi kual Tŏng krah dêh čar hăng kual Lŏn dăo ia krông Cửu Long, amăng anun hmâo 9 rơbâo čô čơđai dưi pơplih hơdôm bruă bơwih brơi ia yua hăng agaih rơnak hăng 10 rơbâo čô čơđai ƀiă hloh kơ 5 thun amra dưi ruah mă pơkă lăng drơi jăn ƀu ai buai kraih kiăng hmâo hơdôm bruă mă hmao tlôn amăng thun 2025./.

Siu H’ Prăk: Pô pơblang