VOV4.Jarai-Kơ-iăng Khua dêh čar, ơi Phạm Bình Minh phrâo kĭ hră pơtrun Ding jum Jơlan glông hăng pơdŭ pơgiăng, ngă hrom Jơnum min Rơnuk rơnua jơlan glông dêh čar, tañ ĕp lăng lăi pơthâo, kơ Khua dêh čar pơkjăp glăi bruă mă pơgang tơlơi rơnuk rơnua jơlan glông dêh čar; laih dơ̆ng rơkâo Jơnum min Rơnuk rơnua jơlan glông dêh čar, git gai djop tơring čar ĕp glăi tañ, bơkjăp glăi bruă mă, mrô mơnuih mă bruă kiăng pơphun bruă pơgang tơlơi rơnuk rơnua jơlan glông, rô nao rai amăng tơlơi pơhing phrâo.

Kơ-iăng khua dêh čar pơtrun hiăp Ding jum kông an, brơi git gai djop anom bruă, tơring čar ăt kơtưn hyu tir, sem lăng pơsir tơlơi soh glăi rơnuk rơnua ƀơi jơlan glông lir hơbit hăng bruă pơgang klin kheng Covid 19; kơđiăng ƀu lui kơđông jơlan nao rai, bruă rô nao rai mơ̆ng mơnuih ƀôn sang amuñ hăng hluai laih anun kơtưn răng kơđiăng pơgang klin kheng.

Nay Jek: Pơblang