VOV4.Jarai-Ding jum Đang hmua hăng Pơđĭ kyar plơi pla phrâo čih hră pôr pơthâo anăn hơdôm mơta hră pơar tơlơi phiăn pơsir bruă ngă gah đang hmua hăng pơđĭ kyar plơi pla. Tui hăng anun, Anăn hră pơar yua gah Ding jum Đang hmua hăng pơđĭ kyar plơi pla wai lăng lĕ hơmâo 363 mơta hră pơar.

Tum biă ñu, hơdră ngă pơar mơ̆ng gưl dêh čar lĕ hơmâo 226 mơta hră pơar; gưl tơring čar hơmâo 106 mơta hră pơar; gưl tơring glông hơmâo 16 mơta hră pơar; gưl să hơmâo 11 mơta hră pơar hăng anom bruă kơnuk kơna pơkŏn hơmâo 4 mơta hră pơar. Hơdôm bruă ngă hră pơar anai dưi ngă pơdah thâo mơ̆ng Plăng tơlơi pơhing sa bah amăng pơsir bruă dêh čar kah hăng:

Kơnuk kơna ĕp lăng anŏ tŭ yua kmơ̆k hơbâo pruai blơi mơ̆ng tač rơngiao; ngă brơi Hră blơi pơmut kmơ̆k pruai; ngă hră brơi hră pơtong glăi anŏ tŭ yua pơjeh djuai phun pla; čih hră pơsit ĕp glăi anŏ tŭ yua mơnong čem hlô mơnong rông blơi mơ̆ng tač rơngiao….

Tui hăng Ding jum Bruă hmua hăng Pơđĭ kyar plơi, pơ anăp anai amra ĕp lăng kjăp hloh tơlơi phiăn pơtrun kơ bruă ngă hră pơar tui hăng tơlơi dưi wai lăng kơnuk kơna mơ̆ng Ding jum. Laih dơ̆ng, pơhaih rơđah hmao kru hơdră ngă hră pơar kơnuk kơna pơtrun tui hăng tơlơi dưi mơ̆ng Ding jum wai lăng, kơnang kơ mrô rơnoh djă pioh mơ̆ng dêh čar pơgang pioh hră pơar mơ̆ng kơnuk kơna pơtrun.

Nay Jek: Pơblang