VOV4.Jarai - Mơguah (31/8), ƀơi Hà Nội, anom bruă khua mir sir pơphun jơnum hăng ƀing mă tơlơi pơhing phrâo lăi pơthâo tơlơi pơsit pơklaih mơnă hlâo kơ hrơi pơkă thun 2021 mơng Khua mir sir brơi ƀing mơnă glăk krư̆ tui kơđi ƀing gơñu ngă soh hăng ƀing mơnă glăk lui hĭ krư̆ jang jai tui kơđi ƀing gơñu ngă soh hơmâo tơlơi gal kiăng kơ pơklaih hlâo hrơi pơkă tui tơlơi phiăn. Thun anai, Khua mir sir dêh čar hơmâo kĭ hră pơsit pơklaih mơnă hlâo hrơi pơkă brơi 3.026 čô lĕ ƀing mơnă glăk lui hĭ jang jai phak tui kơđi ngă soh hăng 3 čô mơnă glăk lui hĭ jang jai krư̆ tui kơđi, 6 čô glăk lui hĭ mă krư̆, hơmâo tơlơi gal kiăng kơ pơklaih mơng sang krư̆ amăng thun 2021. Đĭ pơhiăp hăng lăi pơthâo tơlơi pơsit pơklaih mơnă hlâo hrơi pơkă thun 2021, ơi Phạm Thanh Hà, Kơ-iăng Khua anom bruă khua mir sir dêh čar brơi thâo amăng hrơi blan sem lăng hlâo kơ pơklaih mơng sang krư̆ hlâo hrơi pơkă lêng kơ nagw tui djơ̆ hơdôm tơlơi pơkôl pơkă , anun lĕ ƀing mơnuih hăng djơ̆ hăng tơlơi pơkă kiăng kơ abih bang mơnă dưi sem lăng hăng ƀu brơi hlơi ôh pơsit phara, khŏm djơ̆ tơlơi pơkă.

Siu Đoan: Pơblang