VOV4.Jarai - Tui hăng kơčăo bruă mơng Jơnum min mơnuih ƀôn sang tơring čar Lâm Đồng mơng thun 2021-2025 amra pơtrut kơtang pơđĭ kyar bruă mơnuih mơnam ƀơi hơdôm gơnong bruă, hơdôm gưl, djơ̆ hăng tơlơi pơđĭ kyar bơwih ƀong – mơnuih mơnam mơng tơring čar tui rim tal. Rơđah biă ñu, mơng thun 2021-2025 hmâo 60% mrô ƀirô, khul grŭp, anom bruă gum djru mơnuih mơnam, anom bruă añ gơñ hot jrao, anom mă krư̆ mơnă, sang hră pơhrăm mơnuih jrôk jơlan, hơdôm bôh ƀirô tơlơi phiăn, sang hră, sang ia jrao să, phường, tơring kual; ƀiă biă mă ñu 30% mrô mơnuih apăn bruă, mơnuih mă bruă, mơnuih gum bruă mơnuih mơnam glăk dô̆ mă bruă ƀơi hơdôm bôh să, phường, tơring kual, hơdôm bôh anom hmâo bơwih bruă mơnuih mơnam djơ̆ hơdră ƀiă biă mă ñu ha mơkrah mrô anom bruă djru gum mơnuih mơnam, anom bruă ia jrao, sang hră pơtô pơhrăm hăng anom bơdjơ̆ nao pơkon amăng pơkă hmâo lăi pơthâo bruă bơwih kơ mơnuih mơnam; mrô mơnuih tơnap tap dưi lăi pơthâo, djru bruă mơnuih mơnam thun 2025 đĭ 20% bơhmu hăng thun 2020; pơhlôm ƀiă biă mă ñu 85% čơđai drit druai ƀu hmâo anih gơnang, čơđai hmâo amĭ ama lui raih dưi hmâo mơnuih mơnam gum djru./.

Siu H’ Prăk: Pô pơblang