VOV4.Jarai - Yang hrơi dong lơ 19/11, anom apăn bruă tơring glông Lâm Hà (Lâm Đồng) pơtô pơblang, anur sa čô đah rơkơi ƀă klin Covid-19 tŭ ư glăi pơ anih pơjrao tơdơi kơ ha hrơi ñu đuăi leč. Pô đah rơkơi anai đuăi mơng anih pơjrao lĕ ơi C.P (dŏ ƀơi să Phước Chính, tơring glông Bác Ái, tơring čar Ninh Thuận). Hlâo kơ anun, amăng lơ 16/11, ơi C.P đĭ rơdêh thut nao pơ tơring glông Lâm Hà (Lâm Đồng) pĕ kơphê arăng. Ơi C.P hơmâo ƀing ơi ia jrao test kman hmar hăng pơčrang hăng PCR lêng kơ ƀuh kman Covid-19 soh, laih anun ba dŏ pơčlah ƀơi anih pơjrao mơnuih ƀă klin Covid-19 či să Tân Văn, tơring glông Lâm Hà. Truh yang hrơi tlam lơ 18/11, ơi C.P đuăi leč mơng anih pơjrao.

Tơdơi kơ thâo bruă anai, tơring glông Lâm Hà iâu mơnuih hyu ĕp. Tơdơi kơ ha hrơi hyu ĕp, yang hrơi dong lơ 19/11, arăng ƀuh ơi C.P glăk dŏ kơdop hăng phun kyâo glông amăng kual anun mơn. Tơdơi kơ anun, khua mua amăng tơring glông, ƀing ơi ia jrao hơmâo juh alum, ba glăi ơi C.P pơ anih pơjrao mơnuih ƀă klin Covid-19.

Siu H’Mai: Pơblang