VOV4.Jarai - Tlam lơ 17/5, Jơnum min ruah khua tơring čar Lâm Đồng pơphun jơnum mă tơlơi pơhing, lăi pơthâo tơlơi pơhing bơdjơ̆ nao bruă prăp lui mông plĕ hră ruah khua hăng hơdră plĕ hră mơng mơnuih glăk dŏ pơčlah, krăp lăng tơlơi suaih pral pioh pơgang klin Covid-19. Ră anai bruă prăp lui kơ mông ruah khua pơ ala mơnuih ƀon sang dêh čar tal 15 hăng khua pơ ala mơnuih ƀon sang djŏp gưl mơng tơring Lâm Đồng hơmâo ngă giong laih. Tui hăng Gơnong bruă ia jrao tơring čar Lâm Đồng, ră anai Lâm Đồng aka ƀu hơmâo pô ƀă klin Covid-19 ôh. Tar ƀar tơring čar glăk brơi dŏ pơčlah 588 čô, amăng anun brơi dŏ pơčlah pơ sang ia jrao lĕ 16 čô, 338 čô mơnuih glăk dŏ pơčlah ƀơi anih pơčlah pơƀut hrŏm hăng 234 čô mơnuih glăk dŏ pơčlah mă pô pơ sang. Kiăng pơhlôm bruă pơgang klin Covid-19, hŭi ƀă klin amăng hrơi plĕ hră ruah khua, ƀing anai amra plĕ hră ƀơi anih dŏ pơčlah mơtăm.

Siu H’Mai: Pơblang