VOV4.Jarai - Mơguah lơ 11/10, tơring čar Lâm Đồng gum hrŏm hăng hơdôm anom bruă bơdjơ̆ nao amăng tơring čar Bình Dương, Đồng Nai, Bà Rịa Vũng Tàu čơkă rơbêh 1.000 čô mơnuih glăi pơ plơi pla. Amăng glông jơlan glăi pơ plơi pla, lêng kơ hơmâo mơnuih djru brơi anun lĕ: Tơhan pơlih wai lăng jơlan glông, anom bruă ia jrao kiăo tui lăng hŭi hơmâo tơlơi truh sat. Mơnuih glăi pơ plơi pla kiăng hơmâo hră pơčrang lăng huăi ƀă klin hăng lơ̆m truh pơ plơi pla lêng kơ pơčlah tui tơlơi pơkă.

Mơnuih ƀon sang mơng Đồng Nai prap glăi pơ Lâm Đồng

Anai lĕ tal čơkă mơnuih glăi tal 2 pơ tơring čar Lâm Đồng amăng 3 hrơi laih rơgao. Hlâo anun, Lâm Đồng hơmâo ba rơbêh 2.000 čô mơnuih đom glăi pơ ƀôn prong Hồ Chí Minh dưi glăi pơ plơi pla rơnuk rơnua. Him lăng amăng hơdôm hrơi pơ anăp anai, lu tơring čar, ƀôn prong amăng đơ đam dêh čar kiăng kơ gum hrŏm hăng ƀôn prong Hồ Chí Minh hăng hơdôm tơring čar: Bình Dương, Đồng Nai, Bà Rịa Vũng Tàu…Kiăng kơ ba mơnuih ƀon sang glăi pơ plơi pla tui jơlan đuăi rơdêh pơgiăng hyu tuai, rơdêh treng hăng rơdêh por.

Siu Đoan: Pơblang