VOV4.Jarai - Tom brơi (24/11), Lâm Đồng hơmâo pơgiong bruă tlâ̆o vaccine pơgang klin Covid-19 brơi kơ ƀing čơđai sang hră ƀơi 38 boh sang hră gưl tlâo hăng sang hră pơtô bruă mă ƀơi 5 boh tơring glông, plơi prong. Anai lĕ sa amăng hơdôm hơdră bruă kiăng tơring čar tañ brơi abih bang čơđai pơwŏt glăi nao sang hră.

Tui anun, ƀing čơđai mơng 16-18 thun ƀơi hơdôm kual klin Covid-19 glăk dŏ lar hyu, hơmâo plơi prong Đà Lạt hăng hơdôm tơring glông Đức Trọng, Lâm Hà, Đơn Dương hăng Lạc Dương hơmâo arăng tlâ̆o brơi amăng tal âni, hăng mrô rơbêh 21.300 liều. Anai lĕ sa amăng hơdôm tơlơi gir run mơng gơnong bruă pơtô pơjuăt tơring čar Lâm Đồng kiăng kơ hluai tui tơlơi sit nik, pơhlôm pơgang klin Covid-19, brơi čơđai pơwŏt glăi nao sang hră tơdơi kơ hrăm lăng nao rai mơng ataih.

Siu Đoan: Pơblang