VOV4.Jarai -  Mơguah lơ 8/10, Lâm Đồng čih dong 30 čô mơnuih ƀă kơman Covid-19, amăng anun hmâo 25 čô mơnuih bơdjơ̆ nao anih klin ngă plơi bơnga Vạn Thành, phường mrô 5, plơi prong Đà Lạt. Ră anai, Grŭp črâo ba pơgang, pơgăn klin tơring čar Lâm Đồng hmâo črâo ba Anom wai lăng tơlơi duam ruă Lâm Đồng hăng hơdôm bôh anom bơdjơ̆ nao pơphun pel ĕp, hyu huĕt ĕp, guang dar, čơlah, mă ia adung hơdôm mơnuih bơdjơ̆ nao.

Khul pơgang klin guang dar plơi bơnga Vạn Thành kiăng pơgăn anih klin ngă

Rơngiao kơ anih klin ngă plơi bơnga Vạn Thành, Gơnong bruă ia jrao tơring čar Lâm Đồng ăt čih hmâo dong mơn 5 čô mơnuih ƀă Covid-19, amăng anun hmâo 2 čô lĕ rơkơi bơnai pô mơgăt rơdêh pơgiăng gơnam amăng tơring čar, 2 čô glăi mơng ƀôn prong Hồ Chí Minh hăng sa čô dô̆ glăi lĕ glăi mơng tơring čar Bình Dương. Tui anun, yap truh mơguah lơ 8/10, Lâm Đồng čih hmâo 322 čô mơnuih ƀă kơman klin, amăng anun hmâo 264 čô hmâo pơjrao suaih laih. Ră anai Lâm Đồng glăk dô̆ čơlah 5.921 čô mơnuih, amăng anun hmâo 95 čô mơnuih dô̆ čơlah tui bruă ia jrao, 3.180 čô dô̆ čơlah hơbit hăng 2.646 čô dô̆ čơlah ƀơi sang pô./.       

Siu H’ Prăk: Pô pơblang